index introductio imagines || partitura exemplar translatio

e-mail

CTH 383.1

Exemplar --

Citatio: E. Rieken et al. (ed.), hethiter.net/: CTH 383.1 (Expl. --, 28.08.2015)

§ 1

1 -- ANA dUTU URUarinna GAŠAN-YA GAŠAN KUR.KURḪI.A [U]RUḫatti MUNUS.LUGAL ŠAME Ù ERṢETI GAŠAN LUGALMEŠ MUNUS.LUGALMEŠ ŠA KUR URUḫatti ŠA KUR URUḫatti GIŠzupparu

2 -- LUGALMEŠ MUNUS.LUGALMEŠ ŠA KUR URUḫatti kwiš taparti

3 -- kwin=kan dUTU URUarinna GAŠAN-YA LUGAL MUNUS.LUGAL ŠA KUR URUḫatti anda autti

4 -- n=aš tuetaz IŠTU ŠA dUTU URUPÚ-na ZAG-išzi

5 -- šarā kwiš daškeši

6 -- arḫa kwiš piššiškeši

7 -- ANA DINGIRMEŠ=z(a) menaḫḫanda KUR.KURḪI.A URUḫatti šarraz ŠA d10 URUnerik d10 URUzippalanda DUMU-KA nakkiyanni ḫandaš datta

§ 2

8 -- mḫattušiliš ARAD-KA fpud[uḫ]epaš GÉME-KA arkuwar kiššan iyat

9 -- kwitman ABU-YA mmuršiliš TI-anz(a) ēšta

10 -- nu mān DINGIRMEŠ ENMEŠ-YA ABU-YA šalla[ka]rtaḫta kwēzqa memiyanaz

11 -- ammuk=ma=z(a)=kan apēdani ANA INIM ABI-YA UL kwitki an[da] ešun

12 -- nūwa=z(a) TUR-aš ešun

13 -- mān=ma=kan [Š]À É LUGAL DINU ŠA ftawannanna GÉME-KUNU kiša[t]

14 -- ABU-YA GIM-an ftawannan[n]an MUNUS.LUGAL tepnut

15 -- apāš=ma GÉME DINGIR-LIM kwit ēš[t]a

16 -- [ … ANA Z]I DINGIR-LIM GAŠAN-YA and[a k]wiš šakta

17 -- [ … tepn]um[ar mān Z]I-anz(a) ēšta

18 -- [ … ZI-anz](a) ēšta

19 -- [ … ŠA ftawannann]a tepnumar [iyat]

20 -- [ … ] UL kuwatqa

21 -- [ … ] ēšta

22 -- [ … k]uwatqa

23 -- [ … ŠA ftawannann]a iyat kwiš

24 -- [ … kiša]t [ … ]

25 -- [n=a]t IŠTU SAG.DU-ŠU [ … ]

26 -- [ … tapar]iya UL anda ešun

27 -- [ … URUar]inna GAŠAN-YA [ … EGIR-p]a [l]ē [ ... ]

28 -- [ … ḫwittiyauw]anzi [ ... ]

§ 3'

29 -- [ … ]

30 -- [ … ] nini[kta]

31 -- [... ped]i pēt[ummanzi ... ]

32 -- [m]ān ZI-anz(a) [ … ]

33 -- [ … Z]I-anz(a) ēšt[a]

34 -- [ … ] kwiš anda šakta

35 -- [ … ] tapariya DINGIRMEŠ-aš arn[ummaš … ] ešun

36 -- GEŠPU-aḫḫūwaš e[šun]

37 -- EN-YA=aš=mu ēšta

38 -- DINGIRMEŠ-aš=ma=[m]u arn[ummar] UL ZI-anz(a) ēšta

39 -- apēdani [ … ] peran weriteššanz(a) ešu[n]

40 -- KÙ.BABBAR=ya GUŠKIN ŠA DINGIRMEŠ ḫūmandaš d[ašket]

41 -- nu kwēlla KÙ.BABBAR GUŠKIN kwedani ANA DINGIR-LIM pišket

42 -- nu=z(a)=kan apēda[ni=ya] tapariya UL kwitki anda [ … ]

§ 4'

43 -- mān=ma=kan wet ŠÀ É LUGAL DINU ŠA fdan[uḫepa] ŠA MUNUSAMA.DINGIR-LIM-KA kišat

44 -- fdanuḫepan G[IM-an … ]

45 -- QADU DUMUMEŠ-ŠU UNMEŠ-tarr=a ḫūman BELUMEŠ=[ya] EGIR-ezziušš=a UNMEŠ-tar kuwapi ḫarakt[a]

46 -- ŠA fdanuḫepa=ma ḫargaš ANA dUTU URUPÚ-n[a … ] mān ZI-anz(a) ēšta

§ 5'

47 -- mān=ši=aš UL ZI-anz(a) ēšta

48 -- nu=kan apadd=aya1 ANA ZI DINGIR-LIM GAŠAN-YA anda UL kwiški šakta

49 -- ammuk=ma=z(a)=kan apēdani ŠA fdanuḫepa DUMU-ŠU ḫargannaš memini anda UL ešun

50 -- šer=ši imma ḫanneškenun

51 -- genzu=ya=mu ēšta

52 -- ammel=ma KAxU-aš memiyanit taparriyaz UL kwiški ḫar(a)kta

53 -- apāt=ma ḪUL-lu uttar iyat kwiš

54 -- nu=kan mān dUTU URUarinna GAŠAN-YA ANA INIM fdanuḫepa šer TUKU.TUKU-išta kwitki

55 -- nu apātt=aya uttar ŠA fdanuḫepa iyat kwiš

56 -- nu=z(a) apāšš=a DINGIR-LIM-iš karū kišat

57 -- n=aš=kan KASKAL-az arḫa tiyat

58 -- n=at IŠTU SAG.D[U-Š]U karū parā šarnikta

59 -- nu dUTU URUarin[n]a GAŠAN-YA ŠA fdanuḫepa uttar ammel UDḪI.A-aš ammuk ANA KUR URUḫatti=ya menaḫḫanda EGIR-pa lē [ḫ]wittiat[tari]

60 -- apēniššuwan uttar ammuk m[en]aḫḫ[anda] ammel UDḪI.A-aš EGIR-pa ḫwittiyauwanz[i] UL arān

61 -- ŠA fdanuḫepa=ma uttar [kwiš] parā iyat

62 -- karū apāš=pat šarnikt[a]

§ 6'

63 -- mān=ma=z(a) mNIR.GÁL-iš=ma ŠEŠ-YA DINGIR-LIM-i[š … ]

64 -- ammuk[=m]a ŠA ŠEŠ-YA nakkianni ḫa[ndaš] UL manqa iyanun

65 -- nu murḫi-d10-u[pan] DUMU ŠEŠ-YA daḫḫun

66 -- n=an LUGAL-izna[nni] tittanunun

67 -- ANA DINGIRMEŠ=maš mā[n] ZI-anz(a) ēšta

68 -- mān=š(a)maš U[L … ]

69 -- ammuk=ma=kan ŠA ŠEŠ-YA kariyaš[ḫi … ] apūn memian iyanun

70 -- nu DUMU ŠEŠ-Y[A … ]

71 -- n=an LUGAL-iznanni tittan[unun]

72 -- apāš=ma ŠA dUTU URUarinn[a … ]

73 -- nu=šmaš=kan UZUGAB-i :paši[ḫāetta]

74 -- nu attaš ḫuḫḫaš [ … ]

75 -- nu apāt iyat

76 -- n[u … ]

77 -- nu=šmaš=kan NINDA.GUR4.RA [ … ]

78 -- nu ÉMEŠ DINGIRMEŠ :ma[r- … ]

79 -- IŠTU KÙ.BABBAR=ma-[ … ]

80 -- nu šummaš [ … ]

81 -- apūn IN[IM … ]

82 -- [ … ]

§ 7''

83 -- [ … ]

§ 8''

84 -- ammuk=ma=z(a) mḫattušili[š … ]

85 -- nu=z(a) pedi kwedani ŠA d10 URUn[erik … ]

86 -- n=ašta ŠA d10 URUnerik [ … ] tiyan ḫarkun

87 -- anda=z(a)=kan GIM-[an … ]

88 -- IKTAŠAD=mu [G]IM-an šakuwašš[a- … ]

89 -- nu dUTU URUari[n]na GAŠAN-YA [U]L š[akti]

90 -- kwit=ma [ … ]

§ 9''

91 -- mān=mu ŠE[Š-Y]A mNIR.GÁL-iš URUḫat[tušan] URUkātapan URU-an namma=[y]a tamāu[š ... ]

92 -- n=at=z(a) UL memaḫḫun

93 -- KUR URUner[ik] ḫūd[a]k=pat karuwiliyaš ANA LUGALMEŠ [ … ] ḫarkanz(a) ēšta

94 -- nu KASKALMEŠ anda warḫwē[ššar … ]

95 -- nu=kan URUneriqqaš URU-aš NA4akuš GIM-an [ ... ] anda ēšta

96 -- nu=kan ḫallūwaš :witaš katt[an … ]

97 -- nu=kan URUneriqqan URU-an NA4akun GIM-a[n] ḫalluwaz witaz šarā udaḫḫu[n]

98 -- [ … ] ANA d10 URUnerik DUMU-KA ḫandaš šer d[aḫḫun]

99 -- nu KUR URUnerik EGIR-[p]a ašešanunun

100 -- URUn[eriqqan URU-an] EGIR-pa wedaḫḫun

101 -- nu=z(a) ANA KUR URUner[ik … ] SAG.DU-YA ZI-YA uššaniškenun

102 -- karū=ma kwiē[š LU]GALMEŠ ešer

103 -- dIM kwe[dašš=a] GIŠTUKUL piyan ḫart[a]

104 -- [nu=z](a) LÚKÚRMEŠ taruḫḫišker

105 -- KUR URUnerik=[ma EG]IR-pa UL kwiški [ … ]

106 -- n=an UL kwiški wetet

§ 10''

107 -- mānn=a=mu murḫi-d10-upaš kwiš AŠŠUM EN-UTT[I … ]

108 -- [n=aš]=mu ANA KUR URUnerik šer ḪUL-išt[a]

109 -- ammell=a=mu=kan LÚ.MEŠaruš LÚ.MEŠTAPPI-YA=[ya] šarrišker2

110 -- ANA URUnerik=wa=kan [šer] anda ḫar(a)kti

111 -- ammuk=ma ŠA EN-YA TUKU.TUKU-an ŠA LÚ.MEŠTAPPI-YA=ya kurku[rimm]an UL ištamaššun

112 -- nu=z(a)=kan kī udd[ā]r tamaššun

113 -- kī=ma=z(a)=kan DI-[ … ] tamaššun

114 -- nu kišan memaḫḫun

115 -- kwit=ma=wa URUneriqqan damēdani peḫḫi

116 -- nu=wa ANA URUnerik šer aggallu=pat

117 -- nu=z(a) ammuk DUMU AMILUTTI ešun

118 -- nu=kan ŠA DUMU AMILUTTI NÍG.TUKU-ti anda UL dariyanun

119 -- nu NÍG.TUKU-an UL šanḫ[u]n

120 -- nu=kan tuel ŠA DINGIR-LIM ANA KUR-TI ŠA DUMU-KA šer [ … -u]n

121 -- nu ammuk GIM-an DUMU AMILUTTI apāt iyan[un]

122 -- nu ŠA d10 URUnerik DUMU-KA āššiyan AŠR[U URU]neriqqan URU-an ēppun

123 -- dUTU URUPÚ-na=ma GAŠAN-YA KUR.KURḪI.A URUḫatti d10 URUGIDRU-ti EN-YA ANA UGU d10 URUnerik DUMU-KA āššiyanti šer kūn memian iyatten

124 -- mān DINGIRMEŠ-aš peran kwiški attaš=maš annaš=maš waštaiš ēšzi

§ 11''

125 -- našma=(a)š mān karuwil[iaš … ] waštaiš

126 -- n=an DINGIR-LIM GAŠAN-YA šan(a)[ḫti]

127 -- nu DINGIR-LIM GAŠAN-YA apāt waštul ANA d10 URUner[ik DUMU-KA] āššianti šer arḫa peššiya

128 -- n=at lē da[liyaši]

129 -- ANA DINGIRMEŠ kariyašḫaš pētan daḫangaš

130 -- nu=z(a)=kan dUTU URUPÚ-na GAŠAN-YA KUR.KURḪI.A URUḫatti ANA daḫanga anda kariyašḫaš pedi :yašḫanduwanti ŠÀ-ta šāi

131 -- nu mān ANA KUR URUḫatti waštulḪI.A ēšzi

132 -- nu kweqa

133 -- dUTU URUarinna=ma=at GAŠAN-YA daḫangaš memini šer arḫa=pat peššiya

134 -- mān UN-aš=pat atti anni DUMU-an šallanuzi

135 -- nu=šši attaš annaš ŠA MUNUSÙMMEDA UL imma pāi

136 -- UL=ma=an=z(a)=an=kan duškiyazi

137 -- ammuqq=a=kan ANA ŠA d10 URUn[erik] DUMU-KA āššiyantaš URU-ri anda dariyaḫḫun

138 -- nu=mu=kan dUTU URUPÚ-na [GAŠAN-YA] ŠA d10 URUnerik DUMU-KA āšši[yantaš URU-ri šer] ZI-YA ZI DAM-YA=ya DUMUMEŠ-Y[A g]enzuwai

139 -- nu ANA [ … ]

140 -- [ap]āt ḪUL-lu a[rḫa … ]

141 -- [AN]A ZI-YA DAM-Y[A … ]

142 -- [ … ] ḪUL-išz[i]

143 -- [ … ] ŠA dUTU [ … ]

144 -- [ … ] ŠA DUMU-K[A … ]

145 -- [ … ] ki [ … ]

146 -- [ … ]

147 -- [ … ]-ti za [ … ]

148 -- [ … ] menaḫḫanda [ … ]

149 -- [ … ] ANA KUR URUGIDRU-ti [ … ]

150 -- [ … mḫa]ttušili ARAD-KA [ … ]

151 -- [ … ] lē waḫnuši

152 -- [ … ]-ra arḫa lē [ … ]

153 -- [ … ] lē [ … ]

154 -- [nu=tta]=kkan URUPÚ-naš [ … URUḫattu]šaš DINGIRMEŠ-aš tuliyaš AŠRU [ … -r]i

§ 12'''

155 -- [ … u]ttar [ … ]

156 -- [ … n]akkī kwit

157 -- [ … ] ANA DINGIRMEŠ peran apē waškuwana ešzi=pat kwitki nūwa

158 -- nu=kan apēdani ḪUL-wi uddanī DINGIR-LIM-iš [k]wiški werianz(a)

159 -- n=at EGIR-an artari

160 -- nu d10 kuwapi DINGIRMEŠ=ya tuliya tianzi

161 -- nu=kan mān apāt ḪUL-lu uttar tuliya kwiški anda memai

162 -- dUTU URUPÚ-na=ma=z(a)=kan d10 URUḫatti DINGIRMEŠ=ya ŠA d10 URUneri[k] daḫangaš uttar ŠÀ-ta tarnandu

163 -- nu apāt ḪUL-lu uttar dUTU URUPÚ-na GAŠAN-YA DINGIRMEŠ=y[a AN]A KUR URUḫatti apez arḫa peš[šiya]tten

164 -- nu=tta=kkan URUḫattušaš DINGIR[ME]Š-aš tuliya[š AŠ]RU URUarinnaš tuel āššianz(a) U[RU-aš] URUneriqqaš URUzippaland[a]š ŠA DUMU-KA URUDIDLI.ḪI.A uwandaru